唔驚受傷 法國安排未出場球員踢熱身賽 

2022年11月25日 17:28
東網電視
更多新聞短片
(Getty Images)
陳瀅Kylie C陪你喺《彩報》玩轉世盃:https://win.on.cc/football/ 
法國喺世盃D組首場分組賽順利旗開得勝,以4比1大炒澳洲,主帥迪甘斯賽後即刻安排一場熱身賽,希望保持一班後備球員狀態,不過呢個舉動就引發唔少爭議,有媒體擔心會增加球員受傷風險。
喺踢完對澳洲分組賽唔夠24小時之後,法國主帥迪甘斯就安排一班冇落場嘅後備球員,參與對卡塔爾球隊艾馬希耶嘅熱身賽,最終球隊憑馬古斯杜林梅開二度,加上卡馬雲加同維列度各建一功,以4比0大勝而回。據悉迪甘斯喺下場對丹麥之後,計劃再舉行一場類似嘅熱身賽,目標希望保持後備球員嘅狀態。
不過當地媒體睇嚟就唔太同意迪甘斯依個決定,事關法國賽前已經有賓施馬、尼高路簡迪、保羅普巴等主力因傷缺陣,後衞盧卡斯靴南迪斯又因為膝蓋十字韌帶撕裂,提早緣盡世盃;如果再有球員因為熱身賽而受傷嘅話,相信法國嘅衞冕之路會更加難行。