港超聯 地區打吡!冠忠南區追擊深水埗

2022年11月25日 19:20
東網電視
更多新聞短片
港超聯:冠忠南區 vs 深水埗
【東網按次收費直播】
「中銀人壽香港超級聯賽」周六(26日)頭場對決,冠忠南區回師香港仔運動場,與深水埗上演「地區打吡」。南區各項賽事獲得3連勝,走勢回勇,今場誓要乘勝追擊;深水埗則繼續力爭打開聯賽勝利之門,戰意毋庸置疑。(on.cc東網周六下午3時直播)
南區上場以1球僅勝晉峰,連勝走勢增至3場,為鞏固積分榜前半版位置,球隊仍需繼續搶分。對手深水埗至今聯賽仍未開齋,但南區主教練鄭兆聰就提醒南區切勿掉以輕心:「賽前外界可以睇高某一隊,但落到場就講求臨場發揮,我哋唔想對手喺我哋身上贏到波,所以球隊係有壓力,希望佢哋克服到。」好消息是後防大將翟廷峯坐完波監,可望重返正選名單。
今季轉投南區的李嘉耀,職業生涯於深水埗出道,今場有機倒戈面對舊主。形容今場具特別意義的「嘉耀」,各項賽事為南區斬獲兩球,對今季有機會出任更熟悉的進攻中場位置,他表示:「過去幾年轉踢後防,今季踢番前自己都好享受,始終自己都係一個進攻球員。」
深水埗上場以「全華班」出戰,慘吞標準流浪4蛋,聯賽6戰全敗,主教練郭嘉諾希望球員不要氣餒,今場對南區繼續落力搶分,但承認對方技高一籌:「南區除咗防守穩健,仲有一班速度好快嘅球員,反擊能力好強。同埋一定要守實鞠盈智,佢今季好弗,中場成日攞到波發辦。」陣容上,外援奧恩博刑滿復出,上場領紅的小將黃靖揚需要停賽,「嘉諾Sir」指會繼續輪換。
倒戈的中場劉浩霖,今季由丙組重返超聯,此刻已開始習慣及適應比賽節奏;然而,作為陣中經驗相對豐富的一員,他認為自己仍有不少改善空間:「暫時表現還好,不過應該要多啲提場,同埋幫手聯繫三線,自己好希望盡快入波,同帶領球隊喺積分榜踢番上高啲排名。」
【兩隊預計正選陣】
冠忠南區
門將:25伍瑋謙
後衞:22謝朗軒 4川瀨浩太 5杜度 16 翟廷峯
中場:11佐佐木周 6基斯 24鞠盈智
前鋒:19簡嘉亨 7史提芬彭利拿 8李嘉耀
深水埗
門將:1.王子聰
後衞:5.陳靜謙 23.杜國榆 3.史提芬
中場:8.尼高拉斯 10.劉浩霖 12.黎格爾 6.周家樂 41.梁星耀
前鋒: 91.泰亞高 9.羅港威