四大長老散散哋 「新華朗」有望擔正

2022年11月25日 20:32
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
阿根廷上仗世界盃輸畀沙特阿拉伯,唔止冇晒面,仲創出一項「尷尬紀錄」,成為世界盃決賽周史上首支有4位34歲或以上球員踢正選嘅球隊,分別係美斯(35歲)、迪馬利亞(34歲)、奧達文迪(34歲)、艾真度高美斯(34歲),暴露老化問題嚴重。
有見及此,領隊史卡朗尼將會作出人腳變動,迎戰第2場分組賽對墨西哥,包括21歲中場新星安素費南迪斯有望擔任正選。
據悉史卡朗尼將作出多個正選球員變動,包括用24歲曼聯中堅利辛度馬天尼斯取代基斯甸羅美路或者奧達文迪,中場安素費南迪斯代替柏利迪斯嘅位置。
安素費南迪斯今夏由河床加盟賓菲加後迅速冒起,為呢支葡超勁旅上陣24場入3球,佢上仗世界盃亦有後備上陣,至今4次為阿根廷披甲。
安素費南迪斯被指踢法似名宿華朗,擅長組織傳送,今季葡超有3次助攻,由佢出任正選,能夠分擔美斯策動攻勢嘅工作,令呢位球王可以專心爭取射門入波,有助提升阿根廷進攻效率。
由於阿根廷下仗非勝不可,22歲曼城前鋒祖利安艾華利斯應該會代替艾真度高美斯,加強鋒線入球能力。