伊巴畀料　睇好基奧特奪世盃神射手

陳瀅Kylie C陪你喺《彩報》玩轉世盃：https://win.on.cc/football/　

瑞典神鋒伊巴謙莫域無緣參加今屆世界盃，但仍然非常關注賽事，佢近日接受傳媒訪問時，話睇好法國前鋒基奧特可以奪得今屆神射手。

伊巴謙莫域話：「如果要揀1位神射手得主，我會揀好朋友基奧特。」最搞笑係呢位41歲老將被問到邊位球員會成為今屆世界盃最耀眼新星，佢都係揀基奧特：「一定係基奧特，因為咁講，代表我都年輕。」

伊巴謙莫域同基奧特係AC米蘭隊友，佢咁力撐呢位拍檔，唔多唔少有感情因素。不過，基奧特今屆世界盃表現的確出色，上仗對澳洲梅開二度，追平亨利嘅紀錄，兩人同樣以51球並列法國隊史上入波最多嘅球員，呢位36歲前鋒狀態勇猛，就算真係奪得今屆世界盃神射手都唔出奇。