臥底做嘢？法國隊凌晨遭警鐘嘈醒

最強博彩盤路過關神器《串績王》：http://win.on.cc/football/　

根據法國媒體《RMC》報道，法國隊球員日前瞓到凌晨3點，酒店內嘅火警鐘誤鳴，嘈醒全隊職球員，搞到冇覺好瞓，未知會唔會影響球員出戰周日(27日)凌晨世界盃D組對丹麥嘅表現。

球員比賽前休息非常重要，雖然今次並非真係發生火警，但已經影響球員睡眠，對於球隊絕對不利。

其實法國已經唔係第一次同「火警」扯上關係，2018年世界盃16強法國擊敗阿根廷之後，後衞阿爾拉米喺酒店用滅火筒噴隊友，幾乎導致隊友中毒，好彩冇事，最後更加奪得冠軍，似乎「火警」旺法國。