港超聯　贏波功臣明加索夫：想繼續留隊

周六（26日）港超聯上演的「傑東大戰」，傑志外援明加索夫再成主角，個人梅開二度，幫助球隊以3比0擊敗東方，賽後這位土庫曼國腳，亦被選為全場最佳球員（POM）。賽後明加索夫透露與傑志合約將於明年1月底到期，並表示願意繼續為傑志效力。

今場面對東方頑強抵抗，傑志去到下半場，才靠明加索夫打破僵局，他承認今場比賽比預期更困難：「所以對手都想擊敗傑志，所以對我哋嚟講，保持高度集中力非常重要，今場好難打，上半場我哋仲有機會失守，可以先取得入波好重要。」

明加索夫今季於聯賽幾乎場場入波，至今已取得9個聯賽入球，惟他透露自己與傑志的合約，將於明年1月底到期，被問及續約情況，明加索夫表示：「我同球會仲傾緊，希望1月會有好消息。」並補充指自己希望繼續留效傑志。