迪布尼「扮矮仔」：比利時太老冇機會贏冠軍

最強博彩盤路過關神器《串績王》：http://win.on.cc/football/　

現時世界排名第2位嘅比利時球星如雲，一直被認為有能力問鼎今屆世界盃冠軍，但主力奇雲迪布尼卻唱衰球隊，指呢支「歐洲紅魔」陣容太老，冇機會捧盃。

奇雲迪布尼被傳媒問到比利時捧世界盃機會時，佢話：「我認為球隊贏世界盃最好機會係2018年，今屆失去部份關鍵球員，亦補充幾位優秀新人，但水平同上屆有距離，同埋年齡都係一個問題，我哋太老，今屆世界盃冇機會奪冠。」

比利時上屆打入4強，並獲得季軍，今屆首仗僅小勝加拿大1比0，奇雲迪布尼指踢大賽雖然經驗重要，但現今足球比賽對身體質素要求非常高，始終拳怕少壯。

不過，亦有輿論認為奇雲迪布尼之所以「扮矮仔」，其實係想為隊友減壓，希望靜靜咁贏，好過轟烈咁輸。