紐亞平名宿紀錄　德國正選陣容20年來最老

世盃狂熱盡在《彩報》：https://win.on.cc/football/

德國與西班牙嘅焦點賽事，最終兩支前世界冠軍以1比1握手言和，而日耳曼兵團今仗都有唔少紀錄，門將紐亞追平名宿紀錄成為出戰世界盃次數最多嘅龍門；今仗德國嘅正選陣容更係20年來平均年齡最大嘅一屆。

今場係紐亞代表德國隊第18次出戰世界盃，追平了巴西門神泰法路及德國名宿美亞嘅紀錄，下場再上陣就成為出戰世界盃最多嘅門將。紐亞在今屆德國隊首戰對日本，已被國際足協特別標註，他是首位為德國出戰四屆世界盃嘅門將。

此外，據OPTA嘅統計顯示，德國隊今場嘅正選陣容平均年齡達28歲147日，係自2002年世界盃決賽對陣巴西之後，德國喺世界盃正選陣容平均年齡最大嘅紀錄。