卡拉馬歷拎MVP ：我要多謝加拿大主帥「激勵」

世盃狂熱盡在《彩報》：https://win.on.cc/football/　

克羅地亞周日（27日）晚上喺世盃F組第二輪分組賽，以4比1擊敗加拿大，當中卡拉馬歷個人梅開二度，成為最大功臣，仲成為全場最佳球員，賽後呢名效力德甲賀芬咸嘅前鋒，就話自己要多謝加拿大主帥「激勵」。

加拿大上場輸畀比利時之後，主帥靴文（John Herdman）接受訪問時話要「FUCK爆」克羅地亞，而今場表現出色嘅克羅地亞前鋒卡拉馬歷，賽後就承認對方主帥呢番說話，刺激自己踢得更有動力：「我要多謝加拿大教練嘅激勵，但最後克羅地亞證明咗邊個FUCK邊個。」

加拿大最終以1比4反勝為敗，不過靴文卻未有為自己嘅言論致歉：「一啲都冇後悔，我好尊重克羅地亞，球隊喺場上竭盡全力爭勝；不過反而完場之後我見唔到對方教練，好明顯佢太開心，依啲嘢需要時間學習。」