英格蘭悶和美國　色情女星鬧爆偶像美臣蒙特

陳瀅Kylie C陪你喺《彩報》玩轉世盃：https://win.on.cc/football/　

英格蘭早前喺世盃E組第二輪分組賽，只能以0比0打和美國，令唔少球迷感到失望，當中著名色情女星阿斯特麗德（Astrid Wett），都忍唔住批評偶像美臣蒙特嘅表現，「三獅軍團」下場對威爾斯真係要加把勁。

21歲色情女星阿斯特麗德，除咗係社交媒體人氣明星、OnlyFans模特兒，仲係車路士、美臣蒙特忠實支持者，之前曾經多次公開讚賞依名23歲中場，同埋著波衫入場支持愛隊；不過睇完英格蘭悶和美國嘅世盃分組賽之後，佢都忍唔住喺社交網站鬧爆美臣蒙特：「蒙特我愛你，但依度唔係車路士主場，而係世盃。」

「三獅軍團」目前以4分排E組第1，領先第2名伊朗1分，只要下場對威爾斯唔輸，或者以大比數落敗嘅話，都肯定可以出線16強，但美臣蒙特為咗挽回粉絲嘅愛，相信一定會全力以赴。