加普神勇 曼聯翻兜要簽佢代替C朗

20221128
東網電視
更多新聞短片
(Getty Images)
世盃狂熱盡在《彩報》:https://win.on.cc/football/ 
荷蘭今屆世界盃表現一般,上仗對厄瓜多爾,更加錄得只有2次射門嘅可憐數據,但並未掩蓋射手加普嘅光芒,呢位23歲新星連續2場入波為球隊打開紀錄,演出非常搶鏡,盛傳曼聯計劃明年1月轉會市場重開後「翻兜」加普,填補C朗離隊後嘅位置。
加普上季為燕豪芬上陣47場入21球,今夏已傳出阿仙奴、曼聯都有意簽入佢,但呢2支英超球隊最後卻分別收購加比爾捷西斯、安東尼馬菲奧斯。
雖然加普未能登入豪門,但並冇氣餒,反而大踢爭氣波,今季荷甲上陣14場已入9球及12次助攻,兩個數據都排荷甲第一,簡直係「球王級」,加上連續2場世界盃建功,令到曼聯再次將目光放喺佢身上。
加普早前接受傳媒訪問時,自爆今夏曾經同曼聯領隊坦哈格傾過幾次,幾乎可以成「魔」,對於轉會失敗感到失望,可見佢的確好樂意加盟曼聯。
由於曼聯已同C朗解約,急需要簽入前鋒,相信冬季轉會市場重開後,會加多幾錢肉緊搶加普。據悉燕豪芬原本要求5,000萬歐元轉會費,但加普經過今屆世界盃精彩演出後,相信身價會水漲船高。