法國爆內訌 上屆奪冠功臣慘遭隊友針對

20221203
東網電視
更多新聞短片
(Getty Images)
陳瀅Kylie C陪你喺《彩報》玩轉世盃:https://win.on.cc/football/ 
法國球星如雲,不時傳出內訌消息,最近又發生一單不和事件,根據英國《太陽報》爆料,以奧士文尼迪比利為首嘅派系,要求主帥迪甘斯棄用右閘班捷文柏華特,但以基奧特為首嘅派系力撐呢位上屆奪冠功臣,令迪甘斯排陣方面非常為難。
法國首場分組賽對澳洲,因為班捷文柏華特犯錯,導致先失波,據報賽後奧士文尼迪比利等幾位球員對於呢位拜仁慕尼黑後衞非常不滿,甚至要求迪甘斯棄用佢。不過,基奧特認為應該畀機會班捷文柏華特。
今次派系鬥爭之中,奧士文尼迪比利佔上風,法國之後2場分組賽,班捷文柏華特都冇得再上陣。不過,迪甘斯反駁內訌傳聞,聲稱棄用班捷文柏華特係佢自己決定:「我同柏華特傾過幾次,佢狀態唔好,唔適合比賽,係我決定收起佢。」
班捷文柏華特上屆世界盃16強對阿根廷,射入世界波,成為球隊反勝嘅最關鍵入波,估唔到4年之後,卻變成罪人,遭隊友針對,真係世態炎涼。