傳20腳入波　荷蘭踢出最華麗足球

世盃狂熱盡在《彩報》：https://win.on.cc/football/　

荷蘭喺世界盃16強以3比1擊敗美國，採取高效防反踢法之餘，亦不失細膩組織，打開紀錄1球堪稱今屆最華麗入波，「橙衣兵團」由後場開始組織，無間斷傳咗20腳，最後由迪比射入，非常精彩。

當時荷蘭後衞祖利安添巴喺右路邊線雖然受到對手力逼，但佢不慌不忙，回傳中路轉邊，隊友由後場左路組織攻勢，經過中線位置，再透過右路側擊，最後杜費斯傳中，迪比射入，過程非常流暢，美國球員連掂波嘅機會都冇就失守。

根據OPTA統計，今次係荷蘭史上最多次傳球組織嘅入波，有姿勢有實際。