日本發威　本田圭佑加入「道歉森友會」

世盃狂熱盡在《彩報》：https://win.on.cc/football/　

日本上仗贏西班牙2比1出線，主帥森保一再次作出神調動，後備入場嘅堂安律同三笘薰，分別交出入波同助攻，成為反勝關鍵，一眾球迷從「撤回對森保一懺悔信」，變晒臉加入「道歉森友會」，就連本田圭佑都唔例外。

呢位前日本國腳喺對西班牙賽前，於twitter發表其心水352陣式，包括今屆未打過正選嘅三笘薰，點知森保一續用3421陣式，最終熱血反勝，本田賽後亦認衰，罕有地讚森保一：「一切都盡在佢掌握之中，不得不讚森保一調動得宜，如果係我領軍會派三笘薰擔正，但森保一一直忍耐，到適當時間先撳掣，作為主帥必須要有耐性，今次學到嘢。」