阿迪達再向董事局提出 1月簽阿辛斯奧

20221205
東網電視
更多新聞短片
馬高阿辛斯奧。(Getty Images)
世盃狂熱盡在《彩報》:https://win.on.cc/football/ 
阿仙奴今夏曾向皇馬出價3400萬鎊收購馬高阿辛斯奧,但遭拒絕,英國傳媒報道,阿迪達近日向董事局再度提出,希望明年1月簽入該西班牙世盃國腳,報道指今次成事機會頗高。
阿迪達一直希望得到該26歲球星,可惜今夏轉會窗未能成事,事隔幾個月,依家阿仙奴排緊英超榜首,如果保持走勢有機會重奪冠軍,阿迪達大條道理向董事局要求1月增兵,心目中首選仍然係馬高阿辛斯奧。
馬高阿辛斯奧係前皇馬主帥迪保斯基口中嘅世界級中場,擁有天賦同創造力,不過喺現任主帥安察洛堤麾下卻不受重用,安帥上任一年半期間,阿辛斯奧多數任後備,今季上陣僅15次入3球。
有消息指皇馬打算減輕支出,明年1月出售球員,馬高阿辛斯奧尚餘半年合約,如果唔出售又唔續約,明年夏天將回復自由身,阿迪達選擇呢個時間提出洽購,可謂取得先機,依家AC米蘭同祖雲達斯均有意加入爭奪,不過阿迪達係西班牙球員出身,阿仙奴又排緊榜首,加上阿仙奴本身擁有布卡約沙卡同加比爾馬天尼利等天才攻擊手,吸引力遠勝其他球隊。