曼聯人氣王安東尼馬菲奧斯插水　被球迷鬧爆

世盃狂熱盡在《彩報》：https://win.on.cc/football/

巴西喺世界盃被克羅地亞淘汰，比賽期間以1億歐元轉會到曼聯嘅人氣球星安東尼馬菲奧斯，呢場無料到之餘，仲插水想搏罰球，但被球證識破，無攞牌已經偷笑，賽後球迷對佢呢個行為相當不滿。

安東尼下半場換入，雖然表現積極，但效果麻麻，今仗交唔到成績，比賽期間試下喺左側突破，去到敵方禁區頂忽然倒地，表情誇張，向裁判示意被侵犯，點知原來主裁奧利華跟得好貼，睇晒成個過程，並示意佢起身，而奧利華真係好仁慈，無畀黃牌又無口頭警告。

不過，反而球迷對佢呢個行為就鬧爆，「安東尼插水，佢應該攞黃牌啦」、「希望安東尼返到曼聯唔好再咁樣玩嘢，實在醜怪」，今屆世界盃安東尼踢左4場，包括三場分組賽及8強，其中只有一場係正選，0入球0助攻，表現不似預期。