比利時網上登廣告請主帥：條件要識贏波

陳瀅Kylie C陪你喺《彩報》玩轉世盃：https://win.on.cc/football/　

比利時喺今屆世界盃分組賽就爆冷出局，執教呢支「歐洲紅魔」6年嘅主帥馬天尼斯已經辭任，比利時足總最近喺網上刊登廣告，公開招聘總教頭，條件係「要識贏波」。

比利時足總（RBEF）公開招聘國家足球隊嘅新領軍人物，首要任務係2024年歐國盃外圍賽，新帥嘅條件要有野心，擁有頂級水準嘅國際賽經驗及戰術知道及，要懂得與人溝通，足總強調「RBEF想搵一個識得贏波嘅全職嘅國家隊總教練，擁有管理頂級球員的經驗，亦要創建未來嘅新一代」，有興趣嘅朋友可於2023年1月10日前遞交申請。

舊主帥馬天尼斯自2016年起執教比利時，並帶領球隊喺2018年世界盃取得季軍，而今屆卻在小組已出局，未能躋身16強，球隊老化、青黃不接都是隊內問題。比利時跟住要準備2024年歐國盃外圍賽，明年3月要鬥瑞典。