跨世代球王3次交鋒　麥巴比完勝美斯

陳瀅Kylie C陪你喺《彩報》玩轉世盃：https://win.on.cc/football/　

世界盃決賽阿根廷對法國，被譽為一場跨世代球王之爭，由「元老派」美斯鬥「少壯派」基利安麥巴比，呢兩位巴黎聖日耳門(PSG)拍檔以往曾經各為其主3次交鋒，結果麥巴比表現勝一籌。

雙方首次對壘係上屆世界盃16強，基利安麥巴比梅開二度及博到1球12碼，協助法國贏阿根廷4比3，美斯該仗貢獻2次助攻都無補於事。

第2次交鋒係2020/21年球季歐聯16強首回合，基利安麥巴比上演帽子戲法，率領PSG作客以4比1大勝美斯助陣嘅巴塞隆拿，美斯該仗射入1球12碼。至於第3次碰頭係次回合，兩人各入1球打和1比1，由PSG晉級。

綜合兩位射手3次交鋒，麥巴比都率領所屬球隊淘汰美斯，合共轟入6球，今場世界盃決賽成為雙方最重要一次對壘，到底係麥巴比保持優勢，亦或美斯報仇成功，大家拭目以待。