世盃狂熱盡在《彩報》：https://win.on.cc/football/

據意大利傳媒報道，一代罰球王米赫洛域於周五（16日）因病離世，享年53歲。米赫洛域在2019年執教博洛尼亞期間，證實患上血癌，但佢只係抖咗45日就重返教練席，之後一邊教波一邊治療，經過化療及接受骨髓移植後痊愈，近兩年都無恙，豈料在今年3月證實癌症復發，並於9月同博洛尼亞解約，最終呢位生命鬥士不敵癌魔逝世。

米赫洛域於球員時代，不但隨前南斯拉夫出戰過98年世盃及2000年歐國盃，亦在1991年替貝爾格萊德紅星勇奪歐冠盃（歐聯前身），其後轉戰意大利，曾效力羅馬、森多利亞、拉素及國際米蘭等球隊，並在意甲一共轟入43個自由球，呢個紀錄至今仍未有人打破，其中1998年佢代表拉素出戰森多利亞之役，更上演罰球帽子戲法，成為一時佳話，掛靴後教過博洛尼亞、AC米蘭、森多利亞、拖連奴等意甲球隊。