米赫洛域病逝 「前輩」基保深表哀痛

2000年南斯拉夫國家隊訪港，於大球場與南華進行表演賽，得以讓基保與米赫洛域重聚。日前傳出米赫洛域不敵癌魔離世的消息，為此基保深感傷痛。「我失去咗一位好朋友，世界足球亦失去咗一位偉大嘅人物，你將會長留喺我嘅回憶當中。」

今季重返港會教練團、前南華及好易通名將基保，曾在之前的訪問中提到，當年他仍然在南斯拉夫國內效力時，有一晚一位擔任教練的朋友，帶着一位年輕拜訪他，並指該名年輕人將於翌日舉行的聯賽出道。「嗰個後生仔，就係之後大家認識嘅罰球高手米赫洛域！」基保回憶道。

及後因為戰火，基保離開了南斯拉夫，外流生涯輾轉來到香港，1992加盟南華後一直留港至今，落地生根。「如果唔係2000年南斯拉夫國家隊嚟香港，一位記者朋友搵我幫手喺訪問度做翻譯，我都唔會遇番米赫洛域，同其他好多冇見唔知幾多年嘅老朋友。」基保表示，米赫洛域是一位勇士，一直努力跟癌魔搏鬥，希望他可以安息。