唔做政治籌碼　阿根廷拒絕總統會面邀請

最強博彩盤路過關神器《串績王》：http://win.on.cc/football/　

阿根廷贏得世盃冠軍後舉國歡騰，勝利巡遊有多達400萬人參加，個個球員都變晒做國家英雄，不過阿根廷傳媒報道，阿根廷球員竟然拒絕總統費爾南德斯嘅會面邀請，因為唔想淪為政治籌碼，畀政府「叨光」。

阿根廷返國後舉行連串慶祝活動，據報總統費爾南德斯曾邀請美斯等球員見面，喺總統府露台合照同球迷見面，但有消息人士透露，阿根廷球員認為世盃冠軍屬於所有人民，唔想變為現屆政府嘅政治籌碼，所以已經拒絕邀請。報道指美斯喺新冠疫情早期，曾經買咗批醫療儀器畀醫院，但就被海關扣查一段長時間，令美斯對部份政府部門有所不滿。

阿根廷對上一次喺1986年贏得世盃冠軍後，馬納當拿同一眾國腳都有去總統府同總統見面，但費爾南德斯就冇呢個機會。費爾南德斯喺決賽期間收睇電視直播，囝囝更着起阿根廷嘅波衫，以示對國家隊嘅支持。