孫生又係你　孫興民第7次當選南韓足球先生

最強博彩盤路過關神器《串績王》：http://win.on.cc/football/　

南韓足總周五(23日)宣布，國家隊隊長孫興民當選為2022年南韓足球先生，連續4年當選，亦係呢位效力熱刺嘅30歲前鋒第7次獲此殊榮。

孫興民今年創出事業新高峰，最威水一定係以23個入球同利物浦前鋒穆罕默德沙拿，並列上季英超神射手，成為史上首位獲得英超金靴獎嘅亞洲球員，「孫仔」亦協助南韓打入今屆世界盃16強。

經過南韓足總及傳媒投票計算之後，孫興民獲得182分，遠遠拋離第2位、只有34分嘅拿玻里中堅金玟哉，「孫仔」再次當選南韓足球先生，絕對實至名歸。