洛迪高神勇　有望重返西班牙國家隊

最強博彩盤路過關神器《串績王》：http://win.on.cc/football/　

西班牙喺今屆世界盃16強出局，球隊識傳、唔識射為人詬病，列斯聯前鋒洛迪高今季狀態大勇，正係「鬥牛兵團」急需要嘅鋒線人物，呢位31歲射手有望重返國家隊，協助西班牙重建。

洛迪高出身於皇馬青訓系統，曾經效力華倫西亞6季，最威水係2017/18年球季西甲射入16球，並有份出戰2018年世界盃，但之後事業走下坡，2020年夏天加盟列斯聯首2季，合共僅入13球。

不過，洛迪高今季大翻身，踢13場英超已入9球，包括近4次披甲入5球，但西班牙前主帥安歷基仍然唔徵召洛迪高參加世界盃，備受爭議，呢位老將被傳媒評為落選西班牙名單嘅最佳5位球員。

隨住安歷基下台，洛迪高終於迎來轉機，相信佢只要保持水準，好大機會重返西班牙大軍。