麥總避開美斯暢遊美國　同忍者龜合照

足球博彩神器，每日重心提供盡在《彩報》：http://win.on.cc/football/　

世盃後提早向巴黎聖日耳門歸隊嘅基利安麥巴比，上仗法足盃對查多魯並無上陣，原來佢同好友阿舒拉夫獲准休假，兩人結伴暢遊美國，其中麥總仲同自己合照，所講嘅係忍者龜！

麥總喺世盃決賽輸波後極速向PSG報到，法甲復賽對斯特拉斯堡，憑佢完場前12碼絕殺險勝2比1，不過之後嗰場對朗斯，喺尼馬停賽、美斯未歸隊下，得番麥總一個就頂唔住，最終輸1比3。

主教練加迪亞決定畀麥總同阿舒拉夫放假，巧妙地避開美斯歸隊後球隊為佢舉行嘅歡迎儀式，令場面不致太尷尬，至於麥總同阿舒拉夫就結伴去咗美國度假，先入場睇NBA籃網比賽，又喺街頭留影。其後麥總到新澤西嘅American Dream，當地老闆現身招呼，麥總就同忍者龜合照。