勁過夏蘭特　曼城睇中「挪威尼馬」

最強博彩盤路過關神器《串績王》：http://win.on.cc/football/　

曼城前鋒艾寧夏蘭特被譽為當今最佳挪威球員，但原來仲有1位挪威超級新星正在冒起，就係有「挪威尼馬」之稱嘅紐沙。呢位17歲前鋒潛力驚人，曼城已經準備出手簽佢，將來同夏蘭特拍住上，打造一條挪威「黑白雙煞」鋒線。

出生於挪威嘅紐沙有尼日利亞血統，曾經效力挪超球隊史達比克，2021年夏天轉投比利時勁旅布魯日，佢喺上年9月歐聯分組賽對波圖，後備上陣射入1球，協助布魯日大勝4比0，當時以17歲零149日成為歐聯史上第2年輕入波球員，僅次於巴塞隆拿前鋒安素法迪。

紐沙個人技術出眾，盤扭突破能力強，因而有「挪威尼馬」之稱，布魯日名宿魯特禾馬透露，紐沙好快會加盟曼城、皇馬等大球會，由於「藍月亮」擁有艾寧夏蘭特，相信紐沙追隨呢位大師兄入「城」嘅機會比較大。