狼隊簽韋斯咸中堅　網友話搲晒頭

足球博彩神器，每日重心提供盡在《彩報》：http://win.on.cc/football/　

狼隊周日(22日)官宣，簽入韋斯咸32歲中堅奇治戴臣，簽約至2025年6月，報道指今次交易轉會費為330萬鎊。

奇治戴臣出道早期效力西布朗長達8季，擁有豐富英超經驗，其後踢過屈福特，近年效力韋斯咸，今季上陣13場入1球，不過韋斯咸今季成績下滑，跌入護級區，呢個時候韋斯咸放佢離隊。

狼隊官方表示，希望奇治戴臣嘅英超經驗，能夠幫助球隊加強防守能力；不過有網友指出，狼隊最大問題係攻力不足，19戰入12球屬英超最差，反而佢哋防守相對硬淨，增兵搵個中堅其實作用不大。

至於奇治戴臣，佢喺韋斯咸要護級，依家過檔排名更低嘅狼隊，一樣要護級，今季注定離唔開護級嘅命運。