夏蘭特又戴帽　入波數字已超上季金靴

最強博彩盤路過關神器《串績王》：http://win.on.cc/football/　

周日(22日)英超賽事，曼城主場清風送爽下3比0大勝狼隊，包辦入波嘅又係挪威前鋒艾寧夏蘭特！艾寧夏蘭特加盟曼城只係半季多啲，喺英超已經第4次上演帽子戲法，依家以25球排射手榜第1位，入球數字已超越上季孫興民、穆罕默德沙拿拎金靴獎嘅23球，非常誇張。

曼城為追趕榜首阿仙奴，每場比賽都不容有失，今仗迎戰狼隊控制戰局，艾寧夏蘭特40分鐘頭槌頂入打破僵局；50分鐘根度簡博到12碼，艾寧夏蘭特操刀射成2比0，4分鐘後佢再接應馬列斯助攻完成帽子戲法，今季對水晶宮、諾定咸森林同曼聯後，第4次喺英超連中三元。

曼城領隊哥迪奧拿賽後表示：「艾寧夏蘭特嘅數據係難以置信，佢24小時都係為足球而活，佢有一班神奇嘅隊友為佢鋪橋搭路。曼城依家嘅成績同我哋以往幾次捧盃嘅成績好接近，證明球隊並冇下跌，我哋要做嘅就係繼續進步。」