杜沙特8分鐘首演交足貨　新兵拖索女等入廠

足球博彩神器，每日重心提供盡在《彩報》：http://win.on.cc/football/　

阿仙奴周一(23日)凌晨主場3比2擊敗曼聯，冠軍路邁進一大步，而且下半季更有強援幫手，新加盟嘅李安度杜沙特今仗後備上陣踢8分鐘，表現已獲得各界好評。另外波蘭中堅基維奧爾今仗亦拖埋索爆女友入場睇波，據報佢已完成體測，日內正式加盟「兵工廠」。

阿仙奴上星期用2,700萬鎊由白禮頓羅致李安度杜沙特，呢位比利時國腳今場82分鐘入替，絕殺嘅入波就係由佢發動，尾段更有一幕禁區內1扭4嘅精彩鏡頭，利物浦名將列納表示：「杜沙特短時間已證明佢係出色收購，佢係典型阿仙奴球員，2,700萬鎊係超值收購。」

除李安度杜沙特外，阿仙奴亦即將完成2,000萬鎊收購史柏斯亞中堅基維奧爾，呢位波蘭國腳周日(22日)已喺倫敦完成體測，比賽期間亦帶埋索女友一齊入場觀戰，消息指佢將簽約5年半，為阿仙奴衝刺增添更多籌碼。