菲爾科頓有傷　對阿仙奴未必出得

足球博彩神器，每日重心提供盡在《彩報》：http://win.on.cc/football/　

阿仙奴擊敗曼聯後，下場大戰就係周六凌晨英足盃作客曼城，不過藍月大營傳出消息，前鋒菲爾科頓受傷操練缺課，短期內未能上陣，對阿仙奴少個人用。

其實菲爾科頓已經缺陣2場，聯賽反勝熱刺同大炒狼隊都冇上陣，該2仗曼城都改由艾寧夏蘭特打單箭頭，結果曼城2場都贏波，夏蘭特2場攻入4球，菲爾科頓缺陣對曼城影響唔大，只係少個調動。

主帥哥迪奧拿並無隱瞞科頓傷勢，佢話：「科頓係喺曼市打吡對曼聯時受傷，同雲比沙卡爭頂落地時整親，我哋畀時候佢治療同休息，下場對阿仙奴要睇佢康復進度，甚至2月初再鬥熱刺，假如佢再有唔舒服，會畀佢繼續抖。」