馬古尼唔介意坐冷板:後備球員都好有貢獻

2023年01月24日 23:05
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
曼聯隊長哈利馬古尼今季淪為大後備,早前傳出韋斯咸有意借用呢位29歲英格蘭國腳,佢嘅去留問題眾說紛紜。馬古尼終於開腔表達個人感受,話後備球員都好有貢獻,唔覺得坐冷板難受,粉碎離隊傳聞。
華拉尼及利辛度馬天尼斯已奠定紅魔鬼正選中堅位置,領隊坦哈格甚至寧願用左閘勞基梳爾客串中堅,都唔用哈利馬古尼,令人懷疑佢嘅曼聯生涯就快結束。
不過,哈利馬古尼並唔認同外界想法,佢話:「一個漫長球季之中,後備球員擔當重要角色,大家都見到我哋有唔少關鍵入波來自後備上陣嘅球員,無可否認每位球員都想踢正選,對於坐冷板或者感到失望,但我哋係職業足球員,最緊要係保持競爭力,當球隊需要你上陣嘅時候,你必須已經準備好。」
哈利馬古尼同時指出曼聯賽程頻密,必須擁有強大陣容,每個位置都應該存在競爭,球隊先至會取得好成績,冇理由因為佢屈居後備而受到指責。
哈利馬古尼曾於英聯盃8強擔任正選對查爾頓,周四(26日)凌晨英聯盃4強首回合,曼聯作客諾定咸森林,唔知坦哈格放唔放心畀馬古尼再次上陣一顯身手呢?