離開C朗轉教羅拔佬　山度士成波蘭新帥

最強博彩盤路過關神器《串績王》：http://win.on.cc/football/　

葡萄牙喺今屆世界盃8強出局，領隊費蘭度山度士亦離任，呢位68歲名帥仍然非常吃香，迅速搵到新工，成為波蘭國家隊史上第3位外籍主帥，力爭打入2024年歐國盃決賽周。

費蘭度山度士出席記者會時，大讚波蘭係一個偉大國家，擁有悠久歷史文化，球員亦非常高質素，可以成為波蘭隊主帥，感到非常光榮，波蘭足總會長古利斯沙指費蘭度山度士係新主帥最佳人選。值得一提，另一位葡萄牙名帥保羅蘇沙曾於2021年教過波蘭，但僅1年就離隊。

費蘭度山度士曾經執教波圖、士砵亭、賓菲加、希臘國家隊等球隊，2014年開始擔任葡萄牙主帥，並率領球隊奪得2016年歐國盃冠軍。不過，外界一直指費蘭度山度士只屬於「傀儡」，C朗先至係葡萄牙真正話事人。

費蘭度山度士一旦執教波蘭，意味要同另一位著名射手羅拔利雲度夫斯基合作，希望佢今次真係有「實權」啦。