畀人針對？利物浦出現超長「12碼荒」

足球博彩神器，每日重心提供盡在《彩報》：http://win.on.cc/football/　

利物浦今季英超成績下跌，同一個情況有好大關係，就係佢哋已經長達27場英超未獲得12碼，呢個「12碼荒」接近10個月，試問成績點會好？

有傳媒發現，利物浦對上一個英超12碼，已經係去年4月初對屈福特，當時由法賓奴射入，紅軍衝擊4冠期間發生，結果利物浦贏得英聯盃及英足盃，聯賽同歐聯飲恨。

今季利物浦成績嚴重下滑，英超跌至中游，連爭入前4都有困難，有評論認為係同沙迪奧文尼離隊，球隊前鋒陣容改變有關，或因為上季搏得太盡令球隊過分透支，但依家先發現原來球隊呢段時間從未獲得12碼。

呢個長達27場嘅「12碼荒」亦創下一項紀錄，就係從未有其他頂級聯賽球隊遭遇過比佢哋更長嘅「12碼荒」，究竟係巧合、真係冇12碼、球證睇唔到，定係畀人針對？