愛華頓將出售　希望賣到5億鎊

最強博彩盤路過關神器《串績王》：http://win.on.cc/football/　

愛華頓今季再度捲入降班漩渦，近日宣布換帥，辭退林柏特之後，會方再傳出賣盤消息，有指班主莫舒利正尋求外部投資，甚至出售球會，心理價位為5億鎊，比前年紐卡素賣盤更貴。

有傳媒報道，莫舒利近日決定將球會出售，委托德勤處理交易，莫舒利2016年入主愛華頓，據報擁有球會94%股分，初接手時愛華頓排喺聯賽前8名，安察洛堤執教期間更大肆擴軍，不過安帥離隊後近2季淪為護級球隊，去年僥倖護級成功，今季再度捲入降班漩渦，現時排19位。

雖然愛華頓未必冇得救，近日傳出艾拿戴斯有意協助護級，不過莫舒利決定放手將球會出售，希望賣到5億鎊。前年紐卡素賣盤畀沙特財團，售價只係3億鎊左右，如果愛華頓想賣得貴過紐卡素，可能要搵中東大水喉先得喎。