阿仙奴中堅長坐冷板　將外借富咸

足球博彩神器，每日重心提供盡在《彩報》：http://win.on.cc/football/　

阿仙奴冬窗期間增兵衝冠，但同時亦會有球員離隊，葡萄牙後衞薛迪索拉斯短期內將被外借到富咸，為期半年，對方支付球員薪酬，令阿仙奴慳返筆。

轉會窗即將關閉，阿仙奴同富咸就薛迪索拉斯借用交易加快進行，消息指日內將會官宣，細節亦已敲定，富咸將承擔薛迪索拉斯接近10萬鎊周薪人工，借用期6個月，沒有附加條款。

阿仙奴今季有機會奪冠，近期又簽入李安度杜沙特，但薛迪索拉斯失去上陣機會，主要原因係領隊阿迪達認為球隊一直贏波，無意調整防守人腳，今季僅上陣4場嘅薛迪索拉斯更加冇落場機會。

富咸睇中該位31歲後衞，皆因主帥馬高施華喺葡超年代曾經同佢合作，仲一齊捧過盃，認為佢可以幫助富咸防守，今次交易如能成功，可謂3贏。