馬天尼利同意續約　加薪超過一倍

最強博彩盤路過關神器《串績王》：http://win.on.cc/football/　

英國各大傳媒報道，指阿仙奴翼鋒加比爾馬天尼利已經同意續約至2027年6月，呢位21歲巴西國腳將獲得大幅加薪，由現時7萬鎊周薪，增加至18萬鎊，成為兵工廠隊內「打工皇帝」之一。

加比爾馬天尼利2019年加盟阿仙奴以來，表現不斷進步，今季英超上陣19次已入7球，創出職業生涯單季聯賽入球新高，奠定主力地位。因此，即使馬天尼利仲有1年半合約在身，會方都急不及待希望以長約綁實呢位天才球員。

阿仙奴搞掂加比爾馬天尼利續約問題之後，下一步將重點挽留另一位翼鋒布卡約沙卡，呢位21歲英格蘭國腳同樣將於明年夏天約滿，相信兵工廠都會向佢開出肥約，甚至有可能超過加比爾馬天尼嘅18萬鎊周薪。