拉舒福特將慶祝動作註冊版權　禁止抄襲

足球博彩神器，每日重心提供盡在《彩報》：http://win.on.cc/football/　

曼聯前鋒拉舒福特近期入球停不了，而佢嘅入波慶祝動作—手指向太陽穴亦紅遍球壇，祖連頓、布卡約沙卡、甘美治都爭相仿傚，不過大家可能以後都不能再用，因為「福仔」正入紙申請呢個慶祝動作做註冊商標，一旦申請成功，其他人都唔可以再模仿。

福仔手指向「魂精」呢個動作，外界解讀為向主帥坦哈格表達敬意嘅意思，因為坦哈格入主以來，給予福仔足夠信任，令佢喺上季陰影中走出嚟，至於福仔本人嘅解釋就係，曾經對自己感到困惑同掙扎，依家走出谷底，就要盡量保持清醒。

佢連場入波再做呢個動作，結果紅遍足壇，個個入波都有樣學樣，令到福仔團隊睇到商機，近日佢團隊已向英國知識產權局入紙申請註冊商標，獲得批准後將獲得10年保護，不但其他人唔可以用，佢仲可以喺電腦遊戲、影像延伸、體育用品及書籍都有版權，呢個不失為一條財路，但先決條件係福仔要不斷入波，如果入唔到波只會係笑話。