名單曝光！C朗邀請4位前曼聯隊友遊沙特

最強博彩盤路過關神器《串績王》：http://win.on.cc/football/　

葡萄牙球王C朗同曼聯不歡而散，轉投沙特阿拉伯球會艾納斯之後，佢同部份前紅魔鬼隊友仍然保持良好關係，一直有聯絡。英國《太陽報》爆料指C朗邀請般奴費南迪斯、哈利馬古尼、華拉尼、卡斯米路去沙特阿拉伯睇波，作為正式道別。

根據曼聯內部人士透露，C朗已經退出紅魔鬼球員手機通訊群組，但並冇影響佢同一班老友嘅關係，其中般奴費南迪斯係葡萄牙國家隊隊友，另外C朗同華拉尼、卡斯米路曾於皇馬並肩作戰多年，感情深厚，至於哈利馬古尼今季淪為曼聯後備，可能C朗覺得大家同病相憐，特別關照佢。

據悉C朗打算邀請上述4人先去佢位於葡萄牙里斯本嘅新居參觀同聚舊，跟住夾啱日子，安排去沙特阿拉伯睇佢比賽。不過，曼聯賽程頻密，恐怕呢4位C朗老友短期內難以起行。