三笘薰金球絕殺利物浦 網民:佢值1億鎊!
2023年01月30日 08:00
東網電視
更多新聞短片
最強博彩盤路過關神器《串績王》:http://win.on.cc/football/
日本「奇迹男孩」三笘薰再創經典!周日(29日)英足盃第4圈賽事,白禮頓主場2比1擊敗利物浦晉級,三笘薰喺補時階段嘅絕殺震驚球壇,一停、一挑、一射盡顯功架,利物浦領隊高普賽後亦心服口服,大批網民激讚三笘薰近期表現,指佢嘅表現已達1億鎊身價級數。
白禮頓今場迎戰利物浦佔盡上風,三笘薰喺左翼位置威脅極大,不過利物浦30分鐘一次快速反擊由哈維艾利洛先拔頭籌。白禮頓失守後沉著應戰,39分鐘蘭普堤遠射省中隊友李維士鄧克,改變方向收死艾利臣比加,白禮頓憑呢個幸運入球追成平手。
換邊後白禮頓愈戰愈勇,製造多次入肉攻門,柏斯高哥斯、艾雲費格遜等都錯失黃金機會,去到補時2分鐘,三笘薰禁區內接應隊友傳中,停波後作勢狂抽呃到祖高美斯失位,原來佢輕力一挑再第1時間彈入遠柱,冷靜同瀟灑程度,獲讚可媲美2002年柏金對紐卡素所入嘅「英超史上最佳入球」。
三笘薰喺卡塔爾世盃分組賽對西班牙,曾經交出「1.88毫米踩界助攻」幫日本贏波,被稱為「奇迹男孩」,世盃後喺英超亦持續勇態,近6場賽事交出4個入波同1次助攻,網民熱烈激讚:「三笘薰魔法」、「三笘薰踢出1億鎊身價表現」......
利物浦領隊高普賽後都點名讚揚呢位日本國腳:「三笘薰非常出色,要守佢係好困難,左路防守都OK,但右路阿歷山大阿諾得得到嘅協助太少。」白禮頓1年半前用300萬歐元向川崎前鋒收購三笘薰,依家佢嘅身價幾何級數爆發,白禮頓又賺一筆。