皇馬被悶和　雲尼斯奧斯喪扭21次創紀錄！

最強博彩盤路過關神器《串績王》：http://win.on.cc/football/　

周一(30日)凌晨西甲賽事，皇家馬德里主場佔盡上風情況下，被皇家蘇斯達悶和0比0痛失2分，依家喺聯賽榜落後榜首巴塞隆拿5分，衞冕之路更加崎嶇。皇馬嘅巴西前鋒雲尼斯奧斯祖利亞今場扭盡六壬，全場錄得超誇張嘅21次嘗試扭波，創下西甲紀錄。

皇馬今場採取主動控制戰局，雲尼斯奧斯祖利亞威脅極大，不斷用速度同盤扭製造攻勢，呢位巴西球星上、下半場各有一次單刀機會，但都被皇蘇門將阿歷斯列美路神勇化解，最終踢成0比0完場。Opta數據顯示，雲尼斯奧斯祖利亞今場有21次嘗試扭波(9次成功)，係自05/06球季有紀錄以來西甲最高數字。

皇馬教練安察洛堤賽後表示：「今場係一場好高質素嘅賽事，我哋由一開始已經主動施壓，遺憾未有入球出現，我對呢場和波覺得滿意，因為球隊真係踢得好好。」安察洛堤同時宣布皇馬今個冬季轉會窗唔會再買球員。