【官宣】紐卡素重錘搶前4　安東尼哥頓加盟

足球博彩神器，每日重心提供盡在《彩報》：http://win.on.cc/football/　

今季獲譽為英超「Big 7」嘅紐卡素，依家喺聯賽前4爭逐佔上風，球會亦決賽重錘出擊加強實力，周日(29日)宣布簽入愛華頓前鋒新星安東尼哥頓，據報轉會費高達4,500萬鎊，令「喜鵲」實力進一步提升。

21歲嘅安東尼哥頓完成體測後，同紐卡素簽約5年，呢位前鋒表示：「知道紐卡素對我有興趣後，我就認定紐卡素係最適合我嘅球隊，呢個城市、球迷、球隊嘅踢法都好啱我，而且紐卡素向住正確嘅方向前進，今次轉會對我嘅足球生涯係重要一步。」

安東尼哥頓係愛華頓青訓出身，但佢轉會前曾經罷操兼向球會提轉會要求，就令唔少愛華頓球迷失望，佢就解釋：「我唔係想冒犯或者對愛華頓不敬，但呢個機會係我唔能夠錯失，希望愛華頓拎到呢筆轉會費，可以重新投資並繼續留喺英超。」