雲佬搵曼聯求救　有意借用艾蘭加

最強博彩盤路過關神器《串績王》：http://win.on.cc/football/　

荷甲勁旅燕豪芬今個冬天散貨，加普、馬杜基兩位攻擊球員先後被利物浦、車路士挖走，教練雲尼斯達萊為填補空缺，喺轉會窗結束前打算向前球會曼聯埋手，希望可以借用瑞士新星艾蘭加救亡。

英國《每日郵報》報道，20歲嘅艾蘭加近期唔受領隊坦哈格重用，甚至被另一新星加拿祖搶走上陣機會，曼聯方面樂意畀佢外借爭取上陣機會，消息指雲尼斯達萊利用佢喺曼聯嘅網絡，有望借用呢位瑞典新晉國腳。

除燕豪芬之外，據報愛華頓同多蒙特都對艾蘭加有興趣，而曼聯領隊坦哈格就表明艾蘭加仍喺佢長遠組軍計劃之中，無意將佢賣走。艾蘭加喺近2仗英聯盃同英足盃，都有份後備落場。