丹尼爾監獄生活　有保鑣兼有得Shopping？

足球博彩神器，每日重心提供盡在《彩報》：http://win.on.cc/football/　

巴西名將丹尼爾早前因涉嫌強姦被捕，喺巴塞隆拿監獄住咗超過1個星期，西班牙媒體亦開始曝光丹尼爾嘅監獄生活。據報39歲老將有一將價值100歐元嘅「儲值卡」，畀佢喺獄中Shopping，而且丹尼爾其中一名獄友，更加係朗拿甸奴前保鑣，總算有熟人照應。

由於被拒保釋，丹尼爾被捕後一直入獄，西班牙《每日體育報》報道，丹尼爾因為安全問題，近日曾經轉換監倉，其中一名獄友同佢昔日隊友「古天奴」同名，而呢位「古天奴」又係丹尼爾老友朗拿甸奴嘅前保鑣，有熟人睇住應該可以安心啲。

另一西班牙節目《Ya es mediodia》更爆料，話丹尼爾獲發一張100歐元「儲值卡」喺獄中購物，據報佢買嘅都係生活用品，包括4罐吞拿魚、4個乳酪、1樽洗頭、1支除臭劑同幾罐能量飲品。