般茅借用烏拉圭左閘　幫手護級

足球博彩神器，每日重心提供盡在《彩報》：http://win.on.cc/football/　

英超護級嘅般尼茅夫喺冬窗結束前有機會增兵，消息指佢哋同羅馬即將達成協議，借用烏拉圭世盃左閘馬迪亞斯雲拿，幫手護級。

摩連奴上季入主羅馬，25歲嘅馬迪亞斯雲拿亦喺呢個時候加盟，上季摩dad畀好多機會佢，上陣37場，協助球隊奪得歐協聯冠軍，但今季落場機會大減，僅上陣7場，依家仲可能被外借到英超，但佢早前入選卡塔爾世盃烏拉圭大軍，並上陣2場。

根據協議，般尼茅夫只花75萬歐元就可以借用馬迪亞斯雲拿，買斷費亦只須1500萬歐元，相當抵玩，雖然並非強制性買斷，但如果佢幫到般茅護級，買斷佢都值得。