【有片】侯爾斯卡作客波衫膺「西班牙最佳」

最強博彩盤路過關神器《串績王》：http://win.on.cc/football/　

網站《FootyHeadlines》早前進行2022年最佳波衫選舉，由球迷投票選出上年最「出色」嘅波衫，結果冠軍落入墨超球隊普馬斯嘅第2作客球衣，而西班牙最佳就落喺西乙侯爾斯卡作客波衫身上。

侯爾斯卡件作客波衫喺總排名列第7位，白色衫加個大紅色十字之外，仲用拉丁文印上「侯爾斯卡的勝利」，波衫上年推出即刻大受歡迎，今次排行榜亦壓倒排第13位嘅巴塞隆拿主場球衣，成為西班牙球壇No.1。

今次投票以巴甲最威，10大當中有3支代表，包括哥連泰斯(第2)、華斯高(第9)同高士路(第10)，歐洲5大聯賽當中，只有英超阿仙奴件作客「黑金」波衫排第6位。