阿仙奴喜訊　捷西斯最快月底復出？

足球博彩神器，每日重心提供盡在《彩報》：http://win.on.cc/football/　

英超榜首阿仙奴今季全力爭冠，1月份先後羅致李安度杜沙特、積及基奧柯同佐真奴3位猛將，令實力大大提升，不過更令球迷期待嘅係，因傷缺陣多時嘅加比爾捷西斯，周四(2日)喺社交網自爆已經可以重返球場，有傳佢最快今個月底復出，令阿仙奴如虎添翼。

加比爾捷西斯喺上年底世盃期間嚴重受傷，做手術後預計要抖至少3個月，經過8個星期休養後，呢位巴西國腳周三喺社交網貼相，顯示自己已經重新着起波砵踏入球場，預示佢嘅康復進度理想。加比爾捷西斯上星期曾被拍到同UFC名將卡比對話，當時佢透露希望「4至5星期後復出」。

阿仙奴喺3月份開始硬仗連場，包括歐霸盃16強賽事亦開打，加比爾捷西斯回歸同幾名新兵嘅加入，對「兵工廠」可以話係及時雨。