離鄉別井視作人生賭博 保連奴走出傷患擔大旗
2023年02月02日 19:30
東網電視
更多新聞短片
![](/hk/bkn/cnt/sport/20230202/photo/bkn-20230202193008153-0202_00882_001_01p.jpg?20230202183534)
今季重返港超賽場的和富大埔,幾位巴西外援表現對辦,其中季初飽受傷患困擾的前鋒保連奴,近期漸入佳境。這位大埔「孭飛」射手,透露早於兩年前已有機會登陸港超。今季選擇離鄉別井闖蕩港超,披上「綠戰士」戰袍的保連奴,坦言是一次賭博,希望靠入波幫助球隊改善戰績:「我哋要為球迷而戰!」■圖、文:林卓臻
作為港超其中一支區隊,大埔向來有不少「死忠」球迷支持。訪問當日,保連奴以一身球隊制服現身,走在大埔街頭,不時有人認出這位「綠戰士」,更主動上前與其攀談及合照,面對種種要求,保連奴來者不拒:「喺巴西唔會有人喺條街上搵我合照,呢種待遇,應該只有尼馬呢啲級數嘅球星先會有。」這位「森巴兵」笑道。
「第12人」支持成最大鼓勵
回憶起巴西踢波的往事,他形容每逢賽日,球場都會坐爆球迷:「當地球迷係非常狂熱,如果球隊戰績唔理想,球員自然感受到壓力,無論贏波或輸波,我哋都要學識點面對。」港超聯的規模雖不及巴西聯賽,但從場外與球迷的互動中,保連奴表示能夠感受到大埔球迷的熱情:「好開心球迷認得我,呢樣嘢鼓勵我要繼續努力,球迷嘅支持對球員好重要,尤其比賽陷入膠着嘅時候,『第12人』嘅威力就成為勝負關鍵。」
已成為大埔頭號射手的保連奴,征戰港超其實並非一帆風順,開咧戰面對東方一役,這位巴西前鋒在一次爭奪中傷及左肩,為大埔踢「地標戰」僅上陣38分鐘,就被逼退下火線,對此他苦笑道:「要出現比呢次更嚴重嘅傷患,其實都幾難。」他指着左肩附近位置續道:「以前踢波整斷過左肩骨,對東方場波,我好驚觸及舊患。」事後證實保連奴只是脫臼,可說是不幸中之大幸。
感激隊友相助適應新環境
帶着傷患的同時,保連奴還要適應香港這個新環境,他感恩大埔職球員伸出援手,加上幾位同聲同氣的巴西隊友互相照應,包括過往曾合作過的雷仙奴。此外家人的支持更是保連奴繼續堅持的動力。對於今次隻身來港闖蕩,保連奴承認是一次賭博:「嚟咗香港一段時間,我發現自己好鍾意呢度,希望可以喺香港長期效力,仲想帶埋老婆同兩位囝囝嚟香港。」
這位巴西前鋒透露一直有留意本地球壇動向:「早兩、三年前,我其實有機會來港落班,可惜最終未能成事。」不要以為他「得個講字」,大埔於2018/19賽季,首奪頂級聯賽冠軍,當時陣中外援名字,保連奴竟能一一道出。這位「綠戰士」主力刻下希望向前看:「我一直都唔覺得自己係場上嘅最佳球員,更重要係幫球隊贏波,我希望同球隊創造新歷史,深相球隊會變得更強,為冠軍同獎盃而戰。」
【保連奴檔案】
出生日期:1989年8月17日(33歲)
身高:1米77 司職:前鋒
球衣號碼:20
曾效力球隊:
文拿奧斯(巴西)、塞爾希培(巴西)
現效力球隊:和富大埔