華拉尼宣布退出法國隊　專注曼聯賽事

最強博彩盤路過關神器《串績王》：http://win.on.cc/football/　

法國球星華拉尼周四(2日)宣布，佢已決定結束國際賽生涯，專注於為曼聯比賽同抽多啲時間陪伴家人。呢位29歲球星喺2013年首次代表法國上陣，10年來為國家隊踢過95場賽事，並且贏得2018年世盃冠軍，成就非凡。

華拉尼喺個人社交網發聲明話：「能夠代表我嘅美麗國家征戰10年，係我人生最大成就之一，每次着起呢件特別嘅藍色波衫，我都覺得無比光榮......呢件事(退役)我已經考慮咗幾個月，我認為依家係合適時間結束國際賽生涯。」

法國喺上年卡塔爾世界盃屈居亞軍後，門將洛里斯已宣布退役，華拉尼雖然只係29歲，但由於頻密賽程令佢身體出現傷患，所以決定退出國家隊專注球會賽事，而且可以有更多時間陪家人。法國領隊迪甘斯表示理解華拉尼嘅決定，並向佢作出致敬。