雲迪克法明奴重返訓練場 利物浦望見家鄉
2023年02月03日 21:05
東網電視
更多新聞短片
利物浦twitter
足球博彩神器，每日重心提供盡在《彩報》：http://win.on.cc/football/
利物浦官方社交網發放圖片，見到養傷一段時間嘅中堅華基爾雲迪積克同前鋒羅拔圖法明奴，終於重返訓練場，據估計有望於月底復出，對紅軍嚟講算係好消息。
雲迪積克於上月初對賓福特一仗受傷，缺陣至今，法明奴就喺卡塔爾世盃期間受傷，近期更忙於同會方傾續約，如果傾唔掂數有可能離隊，令球隊場內場外都大受困擾。
主帥高普於上仗英足盃對白禮頓賽前，曾透露球隊傷兵情況，雲迪積克、法明奴，仲有迪亞高祖達同路爾斯戴亞斯仍要養傷一段時間，未有復出日期，而紅軍亦於上仗遭白禮頓絕殺出局，衞冕失敗。
當時高普表示，雲達積克、法明奴同祖達仲要休息幾個禮拜，戴亞斯再抖耐啲，但佢補充要視乎情況。
現時雲迪積克同法明奴率先重返訓練場，對紅軍係好事，估計佢兩個再缺陣至少3場聯賽，即係對狼隊、愛華頓同紐卡素都未出得，如果進度理想，月底歐聯對皇馬，或之後聯賽對水晶宮都有復出希望。