生命力頑強！菲爾鍾斯喺曼聯白出糧

足球博彩神器，每日重心提供盡在《彩報》：http://win.on.cc/football/　

冬窗關閉後，傳媒發現曼聯隊中有位球員，唔使練波同比賽，但又冇被坦哈格踢走，佢就係喺曼聯效力長達12季嘅超級老臣子菲爾種斯。

菲爾鍾斯可算係曼聯奇人，2011年加盟至今，經歷費格遜、莫耶斯、尹戈爾、傑斯、摩連奴、蘇斯克查、卡域克、蘭歷克同坦哈格，合共9位主帥，堪稱9朝元老，但一直未被解約或出售。

而且佢只有30歲，年紀唔算大，最神奇係2019年，當時合約期滿嘅菲爾鍾斯原打算離隊，但估唔到曼聯竟同佢續約4年，年薪450萬鎊，續約後嘅佢至今僅為曼聯上陣13次，其中2020至21球季同今季，都因為受傷0上陣。

今個冬窗結束後，英超官方公布最新註冊名單，菲爾鍾斯未列入25人名單上，代表佢今季提早收咧，坦哈格對此坦言，執教曼聯後，從未見過菲爾鍾斯參加一次操練：「我都唔會佢仲踢唔踢到波，佢今季一課都未練過，亦無可能比賽，至於佢會點安排，今個夏天先算。」