「仙魔」玩晒!贏1月英超最佳將帥
2023年02月04日 12:03
東網電視
更多新聞短片
最強博彩盤路過關神器《串績王》:http://win.on.cc/football/
英超公布1月最佳獎項,曼聯前鋒拉舒福特當選最佳球員,阿仙奴主帥阿迪達獲得最佳領隊,亦係呢位40歲西班牙少帥今季第3次獲得月份最佳領隊殊榮,認真威水。
拉舒福特喺1月踢4場英超射入3球,包括對2大勁敵曼城及阿仙奴,都取得入球,獲得1月英超最佳球員,絕對實至名歸。
呢位英格蘭國腳同時當選曼聯1月最佳球員,佢話:「上個月對我來講,真係無與倫比,我第一次同時贏得呢兩個獎,希望唔係最後一次,感謝隊友、教練、球迷及家人嘅幫助。」
至於阿迪達率領阿仙奴喺1月踢3場英超取得2勝1和,包括擊敗熱刺、曼聯及打和紐卡素,繼續排榜首。阿迪達亦係繼上年8月、11月/12月(合併),今季第3次拎獎,仲叻過「師傅」哥迪奧拿。